എന്‍റെ വിഷുക്കണി.....

മുകളില്
കറങ്ങുന്ന ഫാന്‍ ;

പതിചാരിയ
വാതിലില്
തൂങ്ങി കിടക്കുന്ന
തൂവാല;

തൊട്ടരികില്
കൂര്‍ക്കം വലിച്ചു
കിടന്നുറങ്ങുന്ന
സുഹൃത്ത്‌

എങ്കിലും എന്‍റെ
മനസ്സില് ഒരു കണി
പുലരും നേരം
കണ്ണു പൊത്തി
കാണിച്ചിരുന്ന കണി
മനസിലെ കണി....

എല്ലാ കൂട്ടുക്കാര്‍കും എന്റെ ഹൃദയം നിറഞ്ഞ വിഷു ആശംസകള്‍ ....

നീ കള്ളനല്ല..

നീ എന്‍റെ നെഞ്ചില്‍ നാട്ടിയ
നിന്‍റെ പ്രവര്‍ത്തി
അതിനെയാണ് ഞാന്‍
കള്ളന്‍ എന്ന് വിളിച്ചത്

നിഗൂഡമായ
നിന്‍റെ ചിന്തകള്‍ ;
അതിലേക്ക് നീ എയ്യുന്ന
ദുഷ്ട ചിന്തകളുടെ
ഉറവവറ്റാത്ത ആവനാഴിക
അതിനെ ആണ് ഞാന്‍
കള്ളന്‍ എന്ന് വിളിച്ചത്

എന്‍റെ കരങ്ങള്‍ കൊണ്ട്
നിന്‍റെ നെഞ്ചിലേക്ക്
കടാര അഴ്നിറക്കാന്‍
എനിക്ക് കഴിയില്ല

നീ നടക്കുക
നിന്‍റെ വഴികളിലൂടെ
തിരിഞ്ഞു നടക്കുക

നിന്‍റെ മൌനം

നിഗൂഡമായ
അണകെട്ടില്‍ നിന്നും
ഒരു കുതിപ്പെന്ന പോലെ
പുറത്തേക്കടിഞ്ഞ
നിന്‍റെ വാക്ക്

കൈകള്‍ മുറുകെപ്പിടിച്ച്
വിശ്വാസങ്ങളെ
മനസ്സിലേറ്റി
കാലമാകുന്ന
ഗണിത വീഥിയില്‍
സ്വപ്നത്തിന്‍
തേരില്‍ ഞാന്‍
യാത്ര തുടരുന്നു;    

നിന്‍റെ കണ്ണിലെ
നക്ഷത്രത്തിളക്കമാര്‍ന്ന
വെളിച്ചമെനിക്ക്
വഴികാട്ടിയാകുന്നു

അലയടിച്ചൊഴുകുന്ന
പുഴയെന്നപോലെ
എന്നെ തോട്ടുരുംബി
സ്നേഹം പങ്കിടുംബോളും;

മറഞ്ഞിരിക്കുന്നു
പ്രണയത്തിന്‍റെ കഴുമരം
പുറകില്‍ നിന്നും
കൈ കൊട്ടിവിളിച്ചിട്ടും
നിന്‍റെ കണ്ണിലെ
വെളിച്ചമെന്നെ
മുന്നിലേക്ക്‌ നയിക്കുന്നു

വന്ന്യമായ നിന്‍റെ
ചെയ്തികളില്‍
വീണുടഞ്ഞതെന്‍
സ്വപ്നത്തിന്‍
പളുങ്കുപത്രമാണെങ്കിലും
മനസിന്‍റെ ഏതോ ഒരു കോണില്‍
നീ ഇപ്പോളും ഒറ്റനക്ഷത്രത്തെ പോലെ
ജ്വലിക്കുന്നു ...

സ്നേഹം

നിന്‍റെ സ്നേഹം
ഒരു വേദന
സുഖമുള്ള വേദന.......

ആഴത്തിലറങ്ങുന്ന കത്തിപോലെ
നിന്‍റെ സ്നേഹം
എന്നെ
കുത്തി നോവിക്കുന്നു.....

ഈ വേദന
എന്നും ഒരു വേദന മാത്രം .....

നോവിന്‍റെ പാഴ്കുണ്ടിലേക്ക്
എന്നെ വലിച്ചെറിഞ്ഞ്
ഒരു ഇളം തൂവല്‍ പോലെ
അവള്‍ പറന്നു നീങ്ങി ....

ഇറ്റുവീഴുന്ന ചോരത്തുള്ളികള്‍
വാവിട്ട് ചിരിക്കുന്നു......

പുഴുതിളച്ച സ്വപ്‌നങ്ങള്‍
ചീഞ്ഞു നാറുന്നു ....

ഈ സ്നേഹം
എന്നും ഒരു വേദന ....

ഇന്നിന്‍റെ വിലാപം

എന്റെ ശിവനെ
നിന്റെ മൂന്നാം കണ്ണുതുറന്ന്‌
എന്നെ ഭസ്മമാക്കു;
ശവദാഹിയായ
ചെഷ്ടകളുടെ മാറില്‍
നീ അത് വിതറണം

ജീര്‍ണിച്ച
ശവങ്ങളുടെ കാഴ്ച്ച
തിരമാല പോലെ
കണ്ണില്‍ അലയടിക്കുന്നു
ഇനിയും വയ്യ

നിന്‍റെ ത്രിക്കണ്ണിലെ
വിദ്യ ഒരു നിമിഷം
എന്റെതായിരുനെങ്കില്‍
എന്ന് ഞാന്‍
ആശിച്ചു പോകുന്നു ....